Maxfiylik siyosati

Ushbu siyosat Dichat.ai xizmatidan foydalanganingizda shaxsga doir ma’lumotlar qanday to’planishi, ishlatilishi va himoyalanishini tushuntiradi. U O’zbekiston Respublikasining «Shaxsga doir ma’lumotlar to’g’risida»gi Qonuni talablariga muvofiq tuzilgan.

1. Ma’lumotlarni kim qayta ishlaydi

Xizmat operatori — Dichat.ai (quyida «biz»). Aloqa: privacy@dichat.ai.

Xizmatdan foydalanadigan biznes (siz) o’z mijozlarining ma’lumotlari bo’yicha egasi hisoblanadi; biz esa sizning topshirig’ingiz asosida ishlaydigan qayta ishlovchimiz. Bu shuni anglatadiki, mijoz ma’lumotlari bilan nima qilish kerakligini siz belgilaysiz, biz esa faqat xizmat ko’rsatish uchun zarur bo’lgan doirada ishlaymiz.

2. Qanday ma’lumotlarni to’playmiz

Sizning hisobingiz

Telegram orqali kirganingizda Telegram bizga quyidagilarni beradi: Telegram ID, ism, familiya, foydalanuvchi nomi va profil rasmi (agar ochiq bo’lsa). Siz qo’shimcha ravishda telefon raqamingizni va tashkilot nomini kiritasiz.

Tashkilotingiz haqida

Onboarding jarayonida siz biznesingiz haqida ma’lumot berasiz: faoliyat sohasi, veb-sayt yoki Instagram sahifasi, ish vaqti, manzil, mahsulot va xizmatlar tavsifi, narxlar. Bu ma’lumot AI-agentga javob berish uchun kerak.

Mijozlaringiz bilan suhbatlar

Instagram Direct va izohlar orqali kelgan xabarlar matni, mijozning Instagram profil ma’lumotlari, agent aniqlagan kontakt ma’lumotlari (ism, telefon raqami) va suhbat davomida shakllangan maqsad va status.

To’lov ma’lumotlari

Tarif to’lovlari Click va Payme orqali amalga oshiriladi. Karta ma’lumotlari bizga umuman kelmaydi — ular to’lov tizimida qoladi. Biz faqat to’lov fakti, summasi va sanasini saqlaymiz.

Texnik ma’lumotlar

Kirish vaqti, IP-manzil, brauzer va qurilma turi. Bular xavfsizlik va shubhali kirishlarni aniqlash uchun kerak.

3. Nima uchun ishlatamiz

• Xizmatni ko’rsatish: AI-agentning javob berishi, suhbatlarni saqlash, CRM’ga uzatish.
• Hisobingizni himoya qilish va shubhali faoliyatni aniqlash.
• Tarif limitlarini hisoblash va to’lovlarni rasmiylashtirish.
• Xizmat sifatini yaxshilash — statistik, shaxsni aniqlab bo’lmaydigan shaklda.
• Qonun talab qilganda — vakolatli organlarning rasmiy so’roviga javob berish.

Biz sizning yoki mijozlaringizning ma’lumotlarini sotmaymiz va reklama uchun uchinchi shaxslarga bermaymiz.

4. Instagram va Meta

Instagram akkauntingiz faqat Meta’ning rasmiy API’si orqali ulanadi. Siz Instagram sahifasida ruxsat berasiz va biz kirish tokenini olamiz.

• Parolingiz bizga hech qachon ko’rinmaydi.
• Token shifrlangan holda saqlanadi va hech qayerda loglanmaydi.
• Biz faqat ishlaydigan funksiya talab qiladigan ruxsatlarni so’raymiz.
• Ruxsatni istalgan payt Instagram sozlamalaridan yoki bizning panelimizdan bekor qilishingiz mumkin.

Ruxsat bekor qilinganda biz Instagram’dan yangi ma’lumot olishni to’xtatamiz.

5. Kim bilan bo’lishamiz

Xizmat ishlashi uchun quyidagi provayderlardan foydalanamiz:

Kim	Nima uchun	Qayerda
Meta Platforms	Instagram Direct va izohlar	AQSh / EI
AI model provayderi	Agent javoblarini tayyorlash	AQSh / EI
amoCRM, Bitrix24, Google	Siz ulagan CRM va jadvallar	Siz tanlagan xizmat
Click, Payme	To’lovlarni qabul qilish	O’zbekiston
DigitalOcean	Server va ma’lumotlar bazasi	Germaniya (Frankfurt)

Har biri o’z maxfiylik siyosatiga ega va ular bilan faqat xizmat ko’rsatish uchun zarur bo’lgan ma’lumot bo’lishiladi.

6. Qayerda saqlanadi

Ma’lumotlar Germaniyada (Frankfurt) joylashgan serverlarda saqlanadi. Har bir tashkilotning ma’lumoti ma’lumotlar bazasi darajasida ajratilgan — boshqa mijozning suhbatiga texnik jihatdan kirib bo’lmaydi.

Barcha tokenlar va maxfiy kalitlar shifrlangan holda saqlanadi. Xizmatga ulanish faqat TLS orqali.

7. Qancha vaqt saqlaymiz

• Suhbatlar va mijoz ma’lumotlari — 12 oy, keyin avtomatik o’chiriladi.
• Sinov davri ma’lumotlari — trial tugagach 30 kun.
• To’lov yozuvlari — buxgalteriya qonunchiligi talab qilgan muddat.
• Audit jurnali — xavfsizlik uchun, uzoqroq muddatga.

Siz o’chirish so’rovi yuborsangiz, muddatidan qat’i nazar darhol bajariladi (qonun saqlashni majburiy qilgan yozuvlardan tashqari).

8. Sizning huquqlaringiz

Sizda quyidagi huquqlar bor:

• Bilish — qanday ma’lumot saqlanayotganini so’rash.
• To’g’rilash — noto’g’ri ma’lumotni tuzatish.
• O’chirish — o’z ma’lumotingizni yoki aniq bir mijozning ma’lumotini o’chirish.
• Ko’chirish — ma’lumotni mashina o’qiy oladigan formatda olish.
• Rozilikni bekor qilish — Instagram ulanishini uzish, hisobni yopish.

Amaliy ko’rsatmalar — Ma’lumotlarni o’chirish sahifasida. So’rovlar privacy@dichat.ai manziliga yuboriladi va 30 kun ichida javob beriladi.

9. Cookie va shunga o’xshash texnologiyalar

Marketing sahifasida (dichat.ai) kuzatuv cookie’lari ishlatilmaydi. Brauzeringiz faqat tanlagan mavzuni (yorug’/qorong’i) localStorageda eslab qoladi — bu ma’lumot serverga yuborilmaydi.

Boshqaruv panelida (app.dichat.ai) sessiyani ushlab turish uchun HttpOnly cookie ishlatiladi. U texnik jihatdan zarur va o’chirilishi mumkin emas.

10. Voyaga yetmaganlar

Xizmat biznes foydalanuvchilari uchun mo’ljallangan. Biz 18 yoshgacha bo’lganlardan ataylab ma’lumot to’plamaymiz.

11. O’zgarishlar

Siyosat o’zgarganda ushbu sahifadagi sana yangilanadi. Muhim o’zgarishlar haqida elektron pochta yoki panel orqali xabar beramiz.

12. Aloqa va rekvizitlar

Savollar: privacy@dichat.ai

Tashkilot to’liq nomi, STIR raqami va yuridik manzili xizmat rasmiy ishga tushirilgunga qadar ushbu bo’limga kiritiladi.